325

der  Theologen  vberanthworte  Erclerung  ettzlicher  Artickel,  darumb
man  im  kriege  gestanden,  vorgelesen  vnd  dictirt.

Zu  gedencken,  das  die  gesandten  von  Leipzigk,  Dreßden,  Freibergk,
  Annenbergk  vnd  Kemnitz  vor  vnsern  Gnedigsten  Herren  erfordert,
  Allda  ist  Inen  beuohlen  worden,  mit  den  andern  Stedten
beschaffen,  Das  sie  in  obberürten  weg,  die  grosse  trancksteuer  noch
vier  Jar  zugeben,  wie  dann  Inen  das  schrifftlich  zugestellet,  willigen
  solten,  vnd  seindt  andere  ernste  worth  mehr  gefallen.  Am
die  Innocentium,  vmb  den  Abenth.

Auf  den  Sonnabenth  vnd  Sontagk  sindt  die  andern  bedencken,
die  grosse  Trancksteuer  vnd  die  Religion  belangende,  vnd  vnsers
Gnedigsten  Herrn  anthwort  vff  der  Ritterschafft  bedencken,  vnd  darnach
  der  Stedte  bedencken  ond  bitt  an  die  Ritterschafft,  vff  onsers
Gn.  H.  des  Churf.  anthwort,  den  Schreybern,  die  nachzuschreiben,
vorlesen  worden.  Auff  den  Montag  des  Heiligen  Newen  Jarsabenth
gaben  uns  die  Bischöffe  Ir  bedencken,  zu  einem  bösen  Newen  Jare,
darauff  der  Stedte  sonderlich  ond  der  Landstende  semptlich  bedencken,
vff  der  Bischöffe  bedencken  erfolget.

Auf  den  Newen  Jars  tagk  ist  vnsers  Gnedigsten  Anthwort,
vff  der  Landtstende  bitt,  vnd  darauff  der  Stedte  letzte  anthwort
nachzuschreiben  vorgelesen  worden.  Vnd  ist  uns  der  Abschiedt  zwischen
Zwelffen  vnd  ein  horen  desselben  Tags  geben.

Da  dannen  ein  ieder  seines  wegs  gezogen.“