Anhang. (VII) 259
iren nachkomen hie ze Ulme alliu iriu recht und güte gewonhaiten,
die si vorher braht hand, verschriben und bestätigot hand, und daz
die burger, die niht der antwerke noch der zünften sind, uf die
aide, die si gesworn hand und allerjärlich sweren werdent, den
zunftmaistern und iren undertanen aller rechter und redlicher ding
zülegen und beholfen sin süllen, also daz ain ieglicher zunftmaister
und sin undertane nü und hernach alzite bi allen iren rechten und
güten gewonhaiten, die ainer ieglichen zunfte vormals von dem rate
verschriben sind, beliben und bestanden ane alle geverde; und daz
10 och herwiderumbe die sibentzehen zunftmaister und alliu diu gemainde
der antwerke hie ze Ulme uf die aide, die si gesworn hand
und noch allerjärlich sweren werdent, alle burger hie ze Ulme, die
niht der zünfte noch der antwerke sind, und och alle ir nachkomen
och getriulich friden und schirmen süllen und in zülegen, und be-15
holfen sin aller rechter und redlicher sache, und och nieman verhengen
noch gestatten, daz kain unluste noch unrechter gewalte
an in bescheche, und daz och si, die och bi allen iren rechten und
güten gewonhaiten, die si herbracht hand, beliben süllen lassen,
alz si in erberkaite und güten gewonhaiten herkomen sind, daz
20 si daran von der gemainde gesterket und niht bekrenket stüllen
werden ane alle geverde, usgenomen allain von der stiüre wegen,
daz da ain ieglicher burger hie ze Ulme, er si von den burgern
oder von den zünften, allez sin güt, es si ligentz oder varentz güt,
allwegen verstiuren und verdienen süllen, alz denne der rate hie
25 ze Ulme, klainer und grosser gemainlich, oder mit dem merrentaile,
daz denne ie ufsetzent, erkennent oder ze rate werdent, ane alle
geverde; und daz och mit namen von den burgern, die niht der
zünfte noch der antwerke sind, allwegen viertzehen gesworn ratgeben
an den klainen rate hie ze Ulme gan sullen und unser aller,
30 richer und armer gesworner burgermaister und von den zünften
und antwerken sibentzehen gesworn zunftmaister und der also mitainander
an dem klainen rate sin süllen zwenunddrissig man; bi
derselben ordnunge wir och noch fürbaz beliben wöllen [in] aller der
wise, so vorgeschriben stat, ane alle geverde, und wan sich nü sid
36 der zite, alz diu vorgeschriben ordnung angefangen und gemacht
ist, der stat löffe und sache hie mit der hilfe Gotz vast gemeret
hand darumbe und och umb künftig uflöffe, zwitracht und stöss ze
fürkomen und niderzelegen, so sien wir zü der vorgeschriben ordnunge
sölicher sache friuntlich mit ainander och uberainkomen, daz
40 wir ainen grossen rate hie ze Ulme och gesetzt und gemachet haben.
je |
