336 Herman Hoffman
nit also weyt kommen [122], und die armen leut nit also verfurt
worden, darumb sie gestraft werden und nit unpillich. Solichs
werdt ir in kurz vernemen, wo sich mein gnediger herr nit het
gewert, und ime Got das gluck nit geben, da er mit achthundert
in die neun oder zehentausent menschen, etlich erschluge, etlich
gefangen in die dreutausent, und die uberigen entloufen, und alle
ir geschosz, wer, profant, anderthalbhundert wägen, geladen mit
gut, das die bauren den clostern, schlosz, kirchen genommen heten,
grosz gut, wie ich solichs mit mein augen geseben und gebeut hie
ist worden zu Onalzbach, und dreyzehen priester uff unserm stift
darbey sein gewesen und haben burger mussen werden, thon alle
beschwerde mit wachen, raysen etc., wie ain ander burger, derhalben
wir ietzunt gunstig burger haben und fridsam gegen uns.
Wo aber unser gnediger herr obgenannt sig und in vil andern
scharmutzeln allenthalb in seinem lande (missgeraten), so weren
wir von ÖOnalzbach uberzogen worden, und heten kain von Onalzbach
lebendig gelassen, so sie Onalzbach gewonnen heten, wie sie
sich dann ietzunt die gefangen offenlich horen lassen, es sey ir
furnemen gwest, aber Got hat uns behut und furwar in grossen
sorgen und gefarligkait gestanden. Got woll uns weyter behuten,
dann der mertail meins gnedigen herren [123] und aller prelaten,
edeln, stet etc. sein hinweg und mainaydisch worden, allain Onalzbach
nit, das hat gemacht, das die hofhaltung da ist ietzunt,
dweyle sein gnade also ain grossen zeug furt zu rosz und fusz
bis in die drewtausent und etlich stet und dorfer widerumb eingenommen,
läszt die fenlinfurer kopfen, ersticht sie, leszt denen
nemen, die hinweg sein, ir babe, gut, verprennt sie, prantschatzt
sie, ir gericht, ir wappen, mussen thor abprechen, an etlichen enden
die maur umb die stat abprechen. Und so die bauren auf dem
lande, auch in steten sehen, das mein gnediger herr also vil dorfer
verprennt hat und noch prennt und fert also mit der straf fur,
wo er ainen ankompt, lest er in kopfen, wie man dann ir vil bie
uff dem markt und anderswo gericht, die finger ab läßt hawen,
sehen, das sie kain sig haben, und der pund nun vorhanden, kommen
meins gnedigen herren leut aus den steten, dorfern, weylern,
bringen die schlussel, hbegern gnade, Uffenbaim, Kitzingen etc. Hat
er die gesanten gefangeu, aber als gestern sein mer dann drewhundert
kommen von Leutershausen und aus zway dorfern, die
sich widerumb in gnade meins gnedigen herren geben haben, und
all tag mer kommen, so nimpts mein gnediger herr also und in
10
15
25
