252 1400 Dez. 17.
schriben stösse aller, so si beidi antwerck aber also zü enander gehebd
hand, der werint si komen zü den zunftmaistern ze Rotwil, die uf
dasselb järe zunftwaister da werint, und die auch der zwainundzwaintzigen
ain tail zü inen namend mit ir beider tail willen und
wissend, und die ouch also minne und rehtes gewaltig sin söltint, 5
also wes si sich von derselben ir stösse wegen aller erkantint und
darumb usssprächint, dabi sölti es beliben und daz söltint si ze beider
site stät halten; und nach beider tail der hantwerck fürlegung, clag
und antwürt, red und widerred und ouch nach der brief lut und sag,
di si beidi antwerk vor inen zaigtend und verlesen liessent, so sint 10
die egenanten zunftmaister mit den zwainundzwaintzigen ain tail
darüber gesessen, und die händ sich darumb ernstlich mit enander
underredt und hät si bedunckt, wie daz inen die stöss und sach ze
swär were und brauhtent daz für unsern grössen rät ze Rotwil und
batent inen darumb ze räten. Und mit unsers rätz räte do brauhtent 15
si daz an unser gantzen gemainde in die kirchem und gabend da
gantzer gemainde die stöss und sach’ aigenlich ze verstend und ze
erkennen und bätend ouch unser gantzen gemaind, mit den räten
inen darumb ze räten, waz daz beste darinne ze tünd were durch
nutz und nötdurft willen unser stat ze Rotwil, richer und arıner, 20
und ouch des landes. Und nachdem und unser gantzen gemaind
ie stös und sach also geoffnet und ze verstend geben ist und nach
der brief lut und sag, die ouch darumb von beiden antwerken
der gemaind in der kirchen verlesen sint, so händ sich die egenanten
zunftmaister mit den räten und mit unser gemainde, richer und 25
armer, ainhelleclich erkent und gesprochen, also daz der vorgeschriben
ussspruch und rihtungbrief bi allen sinen kreften beliben sol, und
sovil me, mit dem geding, daz die tücher allü jare nemen und kiesen
sont ain von irem antwerck und die weber ouch ain von irem antwerk,
und so sol der rät ze Rotwil allü järe ain gemainman von 34
dem rät darzü geben, der doch entweders antwerks nit sin sol, und
dieselben drig sont der tücher zunftkneht zü in nemen, doch daz er
kain stimme haben sol, und die vier süllent den webern irü tüch
besehen, ir wolle und ir garne, ob die wolle gemüschlet sig, als si
billich sin sol, und ouch ob daz garne sig, als es billich sin sol, 35
und wa si findent, daz dem allem nit were, als im billich sin sölt,
so sige die wolle oder daz garne, und sich dieselben drig oder der
ımere tail under inen darinne erkennent, daz sont si rügen umb fünf
schilling haller. Ouch sont dieselben vier den webern irü täch besehen,
ob die gnüg brait sient, als si billich sin sont, und wa si 40