362 Wolfgang Kirschenesser
hab alwegen mit ime gegessen unnd nit mit den andern hauptleuten
essen wollen,
Und gesagt, das ime weiters nit wissend, bitt nochmaln uffs
hochst, die sach eigentlich zu erfaren.
Darnach uff sambsztage in vigilia pentecostes!) seien
Herman Buschler und Hainrich Schultheis wider uber
den gemelten gefangen geschickt worden, derist abermals
mit reden hbefftig angehalten.
Sagt, als man zu Lorch gewest und hinwege wollen ziehen,
hab man umbschlagen und bey leib und gut verpieten lassen, das
kainer das closter annbrenne, In dem wer Jorg von Bebingen
und das geschutz noch darinnen gewest, unnd sunst iren sechs man.
Het Jorg von Bebingen gesagt, sie solten herab zu der gemeind
gien und luegen, das sie das closter nit anprendten; het einer under
denselben sechsen gesagt, er, Jorg von Bebingen, solt sich hinausmachen,
oder sie wolten ine erstechen unnd das closter must verprennd
werden. Mitlerzeit hett das bawhaus angefanngen unnd
pronnen, het Jorg von Bebingen etlich gesellen genomen und das
geschutz mit den leuten heraus ziehen mussen, und wer eylends
der kirchen zugeloffen, das sacrament und heilthumb?) genomen und
hinab in das dorff getragen, dan es under dem hauffen ain gros
murmeln gewest, das man es verprenndt. Solchs hett Jorg von
Bebingen dem hauffen nachvolgennds dermassen angezaigt unnd
furgebalten.
Item er moge wol den brief schennckh Jorgen und schenckh
Wilhalmen?) geschriben [haben], die rethe haben ime denselben
also angeben, sei Binderhans ir hauptman unnd seins bedunckens
Leonhart Hainer und Cristan bede auch darbey gewest.
Unund als man ain gemeinde zu Lorch gehalten, het Jorg von
Bebingen anzaigt, die von Gemunde heten botschafft thon, sie wolten
ain fendliin nach dem anndern durchlassen. Als sie aber komen,
bet man nit ain durchlassen wollen, weren sie gen Mutlangen‘)
ı) 3. Juni.
2) Reliquien. Schm.
®) (reorg ILI., T 1528 unvermählt, dessen Neffe Wilhelm III. 1498—1552,
beide von der Limpurg—Gaildorfer Linie, UAGatldorf 92 f.
4) Muthlangen, nördlich von Gmünd.
10
20